.jpg)
.gif)
.gif)
काठमाडौं- नेपालबाट अध्ययनका लागि अमेरिका पुगेर त्यही स्टार्टप कम्पनी सुरू गरेका समीर मास्केको कम्पनी फ्युज मसिन इन्क अमेरिकी स्टक नासड्याकमा सूचीकृत भएको छ।
.gif)
मास्केको कम्पनी फ्युज मसिनले अमेरिकाकै लगानी व्यवस्थापन कम्पनीसँगको साझेदारिमा नासड्याकमा सूचीकृत भएको हो। यसका लागि २० करोड अमेरिकी डलरको मर्जर डिल भएको कम्पनीले जानकारी दिएको छ।
.gif)
.gif)
लगानी व्यवस्थापन कम्पनी सीएसएलएम एक्वीजिसन कर्पसँगको व्यावसायिक साझेदारीमा सूचीकृत हुने भएको हो। सन् २०२४ को दोस्रो त्रैमाससभित्र फ्युज मसिन सार्वजनिक कम्पनीका रुपमा सूचीकृत हुने मास्केले बताएका छन्।
‘एफयूएसई’ संकेतबाट यसको कारोबार हुनेछ।
अध्ययनका लागि अमेरिका गएका मास्केले सन् २०१३ मा फ्युज मसिन स्थापना गरेका थिए। आर्टिफिसियल इन्टेलिजेन्समा काम गर्ने यो कम्पनीले नेपालमा पनि काम गर्दै आएको छ।
फ्युज मसिनले पछिल्लो समय आफ्नो नाम र काम परिवर्तन भएको छ। अमेरिकामै कार्यरत डा समिर मास्केले फ्युज मसिन इन्क नामको कम्पनी अमेरिकामा सञ्चालन गरिरहेका छन्।
अहिले नै २ सय बढी नेपालीलाई रोजगारी दिएको यो कम्पनीले थप लगानी ल्याएर रोजगारी पनि बढाउने तयारी गरेको छ। लगानी विस्तारसँगै कम्पनीले ३ सय नेपालीलाई थप रोजगारी दिने भएको छ।
फ्युज मसिनले नेपालमा आर्टिफिसिएल इन्टेलिजेन्सको क्षेत्रमा काम गर्दै आएको छ। पछिल्लो लकडाउनका समयमा यसले फ्युज क्लासरुम बनाएको थियो। सरकारी तथा गैरसरकारी क्षेत्रमा सफ्टवेयर निर्माणको सेवा दिइरहेको यो कम्पनीले लगानी ल्याएर नेपालमा सेवा अझै विस्तार गर्ने योजना बनाएको छ।
