.jpg)
.gif)
.gif)
काठमाडौं- नेपाली बजारमा बिहीबार पनि सुनको मूल्यमा वृद्धि भएको छ। बुधबार तोलामा १३ सय रूपैयाँले बढेको सुनको मूल्य बिहीबार प्रतितोला पाँच सय रूपैयाँले महँगिएको हो।
.gif)
बिहीबारका लागि छापावाल सुनको मूल्य प्रतितोला एक लाख १३ हजार ७ सय रूपैयाँ तोकिएको छ भने तेजाबी सुनको मूल्य प्रतितोला एक लाख १३ हजार एक सय ५० रूपैयाँ कायम रहेको नेपाल सुनचाँदी व्यवसायी महासंघले जनाएको छ।
.gif)
.gif)
यो साता आइतबार तोलामै दुई हजार ९ सय रूपैयाँले बढेर सोमबार प्रतितोला सात सय र मंगलबार प्रतितोला चार सय रूपैयाँले घटेको सुनको मूल्य बुधबार प्रतितोला १३ सय रूपैयाँले बढेको थियो।
चाँदीको मूल्य भने आज घटेको छ। चाँदी आज तोलामा १५ रूपैयाँले घटेर प्रतितोला १३ सय ९५ रूपैयाँमा कारोबार भइरहेको छ। यो साता आइतबार तोलामा ४५ रूपैयाँले बढेर सोमबार स्थिर रही मंगलबार प्रतितोला १५ रूपैयाँले घटेको चाँदीको मूल्य बुधबार ३५ रूपैयाँले बढेको थियो। बिहीबार पुन: मूल्य घटेको हो।
