काठमाडौं- यो साता दुई दिनमा ११ सय रूपैयाँले घटेको सुनको मूल्य बुधबार पुन: बढेको छ। 

आइतबार तोलामै दुई हजार ९ सय रूपैयाँले बढेर सोमबार प्रतितोला सात सय र मंगलबार प्रतितोला चार सय रूपैयाँले घटेको सुनको मूल्य बुधबार प्रतितोला १३ सय रूपैयाँले बढेको हो। 

बुधबारका लागि छापावाल सुनको मूल्य प्रतितोला एक लाख १३ हजार दुई सय रूपैयाँ तोकिएको छ भने तेजाबी सुनको मूल्य प्रतितोला एक लाख १२ हजार ६ सय ५० रूपैयाँ कायम रहेको नेपाल सुनचाँदी व्यवसायी महासंघले जनाएको छ।

चाँदीको मूल्य पनि आज बढेको छ। आइतबार तोलामा ४५ रूपैयाँले बढेर सोमबार स्थिर रही मंगलबार प्रतितोला १५ रूपैयाँले घटेको चाँदीको मूल्य बुधबार ३५ रूपैयाँले बढेको हो। बुधबार चाँदीको मूल्य प्रतितोला १४ सय १० रूपैयाँ कायम छ।