सुनको मूल्य आज पनि बढ्यो, चाँदीको घट्यो

बिजनेस न्युज

मंगलबार, असोज २३ २०८०

सुनको मूल्य आज प्रतितोला तीन सय रूपैयाँले बढेको छ भने चाँदीको मूल्य प्रतितोला पाँच रूपैयाँले घटेको छ।

काठमाडौं- नेपाली बजारमा यो साता सुनको मूल्यमा लगातार वृद्धि भएको छ। आइतबार तोलामा तीन सय र सोमबार प्रतितोला एक हजार रूपैयाँले बढेको सुनको मूल्य मंगलबार पनि तीन सय रूपैयाँले बढेको छ।

मंगलबारका लागि छापावाल सुनको मूल्य प्रतितोला एक लाख ८ हजार ९ सय रूपैयाँ तोकिएको छ भने तेजाबी सुनको मूल्य प्रतितोला एक लाख ८ हजार ४ सय रूपैयाँ तोकिएको नेपाल सुनचाँदी व्यवसायी महासंघले जनाएको छ।