काठमाडौं- भोलिका लागि बिहान ५ बजेदेखि चन्द्रागिरि केबलकार खुल्ने भएको छ। 

भोलि शनिबार विशेष कार्यक्रम भएकाले एकदिनका लागि बिहानै पाँच बजे केबलकार सञ्चालन हुने भएको छ। सामान्यतया बिहान ८ बजेदेखि केबलकार खुल्ने गरेको छ। 

शनिबार बिहान योगगुरु रामदेवको योगा कार्यक्रम भएकाले बिहानै केबलकार सेवा सुरु गर्न लागिएको कम्पनीले जानकारी दिएको छ। 

योग गुरु रामदेव सहितको पतञ्जलिको टोली आजै चन्द्रागिरी पुगिसकेको छ। रामदेवले भोलि बिहान ५ देखि ६ बजेसम्म योगा सिकाउने कार्यक्रम रहेको छ। त्यसपछि उनले चन्द्रागिरिमा रहेको भालेश्वर मन्दिरको दर्शन तथा पुजा गर्ने कार्यक्रम रहेको छ। 

रामदेवको योगामा सहभागी हुन चाहने यात्रुहरूले बिहानै जान पाउन् भनेर केबलकार सेवा बिहानै सञ्चालन गर्न लागिएको कम्पनीले बताएको छ। 

चन्द्रगिरी रिसोर्टमै भएका बाहेक काठमाडौंबाट जानेहरूले पनि सहभागि हुनसक्ने भएकाले सेवा सञ्चालन गर्न लागिएको हो।