काठमाडौं- नेपाल धितोपत्र बोर्डले दुई कम्पनीलाई हकप्रद जारी गर्न अनुमाति दिएको छ। नारायणी डेभलपमेन्ट बैंक र एक्सेल डेभलपमेन्ट बैंकलाई  हकप्रद सेयर निष्कासन शुक्रबार अनुमति दिएको हो। 

नारायणी बैंकले १ः१ को अनुपातमा १०० रुपैयाँ अंकित दरमा कुल १३ करोड १२ लाख ३३ हजार ८ सय रूपैयाँ बराबरको १३ लाख १२ हजार ३ सय ३८ कित्ता हकप्रद निष्कासन गर्न असार ४ गते सेबोनमा निवेदन पेश गरेको थियो। 

बोर्डले एक्सेल डेभलपमेन्ट बैंकलाई १०ः३ को अनुपातमा हकप्रद सेयरको अनुमति दिएको हो। बैंकलाई ८१ लाख ११ हजार २ सय १५ कित्ता सेयर जारी गर्न पाउनेगरी अनुमति दिएको हो।