काठमाडौं- नेपालको पहिलो डिजिटल वालेट आईएमई पेले आउँदै गरेको दसैँ, तिहार र छठ पर्वलाई लक्षित गरी 'आईएमई पे डिजिटल दसैँ तिहार’ अभियान सार्वजनिक गरेको छ।

असोज १४ गतेदेखि सुरु भएको यो अभियान तथा अफर मंसिर ३ गतेसम्म चल्नेछ। यो अफरअन्तर्गत हरेक दिन ५० जना भाग्यशाली सेवाग्राहीहरुले विभिन्न कारोबारको लागि क्यासब्याकको प्रोमो कोड प्राप्त गर्न सक्नेछन्।

त्यस्तै हरेक हप्ता १ जना भाग्यशाली सेवाग्राहीले अल्टिमा लाइफस्टाइलको गिफ्ट ह्याम्पर पनि प्राप्त गर्नेछन्। अन्त्यमा ८ जना भाग्यशाली विजेताले ५० हजार रूपैयाँ बराबरको सपिङ गिफ्ट ह्याम्पर प्राप्त गर्न सक्ने कम्पनीले जनाएको छ।

आईएमई पेमार्फत रेमिट्यान्स प्राप्त गर्दा हरेक महिना एक जनाले एक लाख रूपैयाँ प्राप्त गर्ने र बम्परमा एक करोड रूपैयाँ प्राप्त गर्ने डबल मौका रहको आईएमई पेका सीइओ प्रविन रेग्मीले जानकारी दिए।