सुनचाँदीको मूल्य स्थिर

बिजनेस न्युज

आइतबार, साउन २८ २०८०

चाँदीको मूल्य प्रतितोला एक हजार ३ सय ७५ रूपैयाँ कायम छ।

काठमाडौं- साताको पहिलो दिन आइतबार नेपाली बजारमा सुनचाँदीको मूल्य स्थिर छ। गत शुक्रबार तोलामा दुई सय रूपैयाँले घटेको सुनको मूल्य आइतबार भने स्थिर रहेको नेपाल सुनचाँदी व्यवसायी महासंघले जनाएको छ।

महासंघका अनुसार आइतबार छापावाल सुनको मूल्य प्रतितोला एक लाख ११ हजार रूपैयाँ कायम छ भने तेजाबी सुनको मूल्य प्रतितोला एक लाख १० हजार पाँच सय ५० रूपैयाँ तोकिएको छ। शुक्रबार पनि सोही मूल्य कायम थियो।