काठमाडौं- नेपाली बजारमा सुनचाँदीको मूल्य हालसम्मकै उच्च कायम भएको छ। यो साता केही दिनयता लगातार बढिरहेको सुनको मूल्यले बिहीबार यसअघि जेठ १९ गतेको रेकर्ड ब्रेक गरेको हो।

बिहीबार तोलामा पाँचसय रूपैयाँले बढेको छापावाल सुनको मूल्य प्रतितोला एक लाख १३ हजार ६ सय रूपैयाँ कायम छ भने तेजाबी सुनको मूल्य प्रतितोला एक लाख १३ हजार ५० रूपैयाँ कायम रहेको नेपाल सुनचाँदी व्यवसायी महासंघले जनाएको छ। 

यसअघि जेठ १९ मा सुनको मूल्य प्रतितोला एक लाख १३ हजार तीन सय रूपैयाँ कायम थियो।

चाँदीको मूल्यले भने केही दिनयता लगातार रेकर्ड ब्रेक गरिरहेको छ। महासंघका अनुसार बिहीबार तोलामा पाँच रूपैयाँले बढेर चाँदी प्रतितोला एक हजार चार सय ९५ रूपैयाँमा कारोबार भइरहेको छ।