काठमाडौं- ग्राहकको भिड थेग्न नसकेपछि जनकपुरको भाटभटेनी बन्द भएको छ।

१० दिन अगाडिदेखि सञ्चालनमा आएको जनकपुर भाटभटेनीमा ग्राहकको भिड बढेपछि दिउँसो ३ बजेदेखि बन्द गरिएको भाटभटेनीका प्रमुख सञ्चालन अधिकृत पानु पौडेलले जानकारी दिए। ‘धेरै भिडबढेपछि बन्द गरियो, अब व्यवस्थापन कसरी गर्ने भन्ने विषयमा छलफल भइरहेको छ,’ पौडेलले भने।

भाटभटेनीले जनकपुर सहरलाई केन्द्रित गरेर नयाँ आउटलेट सञ्चालनमा ल्याएको थियो। ग्राहकको भिड थाम्न नसकेपछि बन्द गर्न बाध्य भएको पौडेलले जानकारी दिए। 

भाटभटेनीका काठमाडौंसहित देशभर २५ वटा आउटलेट सञ्चालनमा छन्।