काठमाडौं- मनकामना केबलकारको मासिक यात्रु संख्यामा नयाँ कीर्तिमान कायम भएको छ। 

मनकामना केबलकार कम्पनी प्रालिका अनुसार चालु वर्षको जेठ महिनामा १ लाख ५० हजार यात्रुले केबलकारको सेवा लिएका छन्। 

एक महिनामा सेवा लिने यात्रुको संख्या यो हालसम्मकै धेरै हो। चालु आर्थिक वर्षको ११ महिनामा १० लाख २१‍ हजार २३९ यात्रुले सेवा लिएका छन्। 

कम्पनीको विवरण अनुसार मनकामनामा एकै महिनामा धेरै यात्रु पुगेकेको २०७६ सालको जेठमा १ लाख ३५ हजार २७२ थियो। 

चालु वर्षको जेठमा दैनिक औसत यात्रु संख्या ४ हजार ७ सय पुगेका छन्। कुल यात्रुमा २६ प्रतिशत भारतीय छन् भने ६९ प्रतिशत नेपाली यात्रु रहेका छन्।