.jpg)
.gif)
.gif)
मनहरी- मकवानपुर प्रहरीले ५४ लाख रूपैयाँ बराबरको अवैध सुनसहित एक युवकलाई पक्राउ गरेको छ।
जिल्ला प्रहरी कार्यालयले आज पत्रकार सम्मेलन गर्दै करिब ५४ लाख ४८ हजार रूपैयाँ बराबरको अवैध सुनसहित एक युवकलाई नियन्त्रणमा लिई सार्वजनिक गरेको हो। जिल्ला प्रहरी कार्यालय मकवानपुरबाट खटिएको प्रहरी टोलीले हेटौँडा उपमहानगरपालिका-१५ स्थित रातोमाटे चेकपोष्टबाट ती युवकलाई पक्राउ गरेको हो।
.gif)
चेकपोष्टमा चेकजाँचका क्रममा हेटौँडा आउँदै गरेको प्रदेश २-०३-००१ ख ०१५९ नम्बरको बसमा उक्त सुनसहित वीरगञ्ज महानगरपालिका-१६ का २२ वर्षीय किसन साहलाई पक्राउ गरिएको प्रहरी उपरीक्षक वामदेव गौतमले बताए। साहले जुत्ताको नोकभित्र पाँचसय ६१ दशमलव ३० ग्राम सुन लुकाएर ल्याएको अवस्थामा समातिएको प्रहरीले जनाएको छ। रासस
.gif)
.jpg)
