काठमाडौं- सामलिङ्ग पावर कम्पनी लिमिटेडले सर्वसाधारणको लागि निष्काशन गरेको सेयर आज (मंगलबार)  बाँडफाँट हुदैै छ। कम्पनीको सेयर २२ लाख ६५ हजार ६९८ आवेदकबाट २ अर्ब ६९ करोड ३३ लाख ५० हजार रुपैयाँ बराबरको २ करोड ६९ लाख ३३ हजार ५०० कित्ता सेयर माग भएको छ।

सर्वसाधारणलाई छुट्याएको ६ लाख ७८ हजार ९०० कित्ताको ३९.६७ गुणा बढी हो। कात्तिक ४ गतेदेखि ७ करोड ३० लाख रुपैयाँ बराबरको ७ लाख ३० हजार कित्ता साधारण सेयर निष्काशन गरेको थियो।

त्यसमध्ये २ प्रतिशत अर्थात १४ हजार ६०० कित्ता सेयर कर्मचारीहरुका लागि र ५ प्रतिशत अर्थात ३६ हजार ५०० कित्ता सेयर सामूहिक लगानी कोषका लागि छुट्याइएको छ। बाँकी ६ लाख ७८ हजार ९०० कित्ता मात्रै सर्वसाधारणको लागि वितरण हुनेछ।

न्युनतम १० कित्ताको दरले सेयर वितरण गर्दा ६७ हजार ८९० आवेदकले मात्रै सेयर पाउनेछन् । त्यस अनुसार करिब २२ लाख आवेदकले सेयर नपाउने देखिन्छ।