काठमाडौं- संखुवासभाको भोटेखोला गाउँपालिका-४ को सिप्रुङमा शुक्रबार सिम्रिक एयरको ९ एन एजेके कलसाइनको उक्त जहाज  हेलिकप्टर दुर्घटना भएको छ।

माथिल्लो अरुणको सामान पुर्‍याएर फर्किँदा सिम्रिक एयरको हेलिकप्टर शुक्रबार दुर्घटनामा परेको हो। दुर्घटनामा क्याप्टेन सुरेन्द्र पौडेलसहित पाँच जना घाइते भएका छन्।

घाइतेको उद्धारका लागि नेपाली सेना र सिम्रककै अर्को हेलिकप्टर पठाइएको नेपाल नागारिक उड्डयन प्राधिकरणका प्रवक्ता जगन्नाथ निरौलाले जानकारी दिए।

दिउँसाे १ बजेदेखि सम्पर्कविहीन भएको हेलिकप्टर २ बजे मात्रै दुर्घटनाग्रस्त अवस्थामा फेला परेको हो।