काठमाडौं- विश्व बैंकको अध्यक्षमा भारतीयमूलका अमेरिकी व्यवसायी अजय बंगा बनेका छन्। 

अमेरिकी राष्ट्रपति जो बाइडेनले बंगालाई विश्व बैंकको अध्यक्षका लागि मनोनय गरेका छन्। पाँच वर्ष कार्यकालका अध्यक्ष बनेका बंगाल जुन २ देखि कार्यभभार सम्हाल्नेछन्। 

भारतीय सहर पुणेमा सन् १९५९ मा जन्मिएका बंगा पेशा व्यवसायमा अमेरिकामै रहेका थिए। मास्टरकार्डको सीईओ बनिसकेका बंगा विश्व बैंकको अध्यक्ष हुने पहिलो भारतीयमूलका व्यक्ति हुन्। 

भारतमै अध्ययन गरेका बंगा कामको सिलसिलामा अमेरिका पुगेका थिए। पछिल्लो समय भारतीय मूलका व्यक्तिहरू ठूला कम्पनी तथा बहुराष्ट्रिय वित्तीय संस्थाको प्रभावशाली पदमा पुगिरहेका छन्।