काठमाडौं- पूर्वपर्यटनमन्त्री योगेश कुमार भट्टराईले हवाई क्षेत्रको विकासका लागि निजगढ विमानस्थलको विकल्प नभएको बताएका छन्।

नेपाल नागरिक उड्डयन प्राधिकरणले गरेको एक कार्यक्रममा मन्त्री भट्टराईले विमानस्थल निर्माणमा विभिन्न बहाना झिकेर विभिन्न निकायले तगारो हालेको बताए। 'यो विमानस्थल निर्माण रोक्नु भनेको देश विकास राेक्नु हो', उनले भने।

निजगढ विमानस्थल निर्माणमा सर्वोच्च अदालतले सबै पुरानाे प्रक्रिया रद्ध गर्दै नयाँ अध्ययनबाट अगाडि बढाउन आदेश दिएको थियो।अदालतको फैसालापछि सरकारले विज्ञ टोली गठन गरेर अध्ययनसमेत गरेको छ।

टोलीले विमानस्थल बनाउन निजगढ नै उचित स्थान रहेको रिपोर्ट दिइसकेको छ। सोहीअनुसार विमानस्थल निर्माणको काम अगाडि बढाउने प्रस्ताव मन्त्रिपरिषद्‍मा पुगेको छ।