काठमाडौं- पछिल्लो ६ वर्षमा नेपालबाट रोजगारीका लागि  ८ हजार ५७ युवा अफगानिस्तान पुगेको छन्।

वैदेशिक रोजगार विभागले सार्वजनिक गरेको तथ्यांकअनुसार आर्थिक वर्ष २०७२/०७३ देखि गत आर्थिक वर्ष २०७७/०७८ रोजगारीका लागि भन्दै विभिन्न माध्यमबाट वैधानिक रुपमै अनित श्रम स्वीकृती लिएर ८ हजार भन्दा बढी युवा अफगानिस्तान पुगकेका छन।

कारोनाकै समय आर्थिक वर्ष २०७७/०७८ मा मात्रै १ हजार ७३ जना कामदार अन्तिम श्रम स्वीकृति लिँदै रोजगारीका लागि अफगानिस्तान पुगेका छन्।अफगानिस्तानका अधिकांश ठाउँमा नेपाली जान पाउँदैनन्। केही ठाउँमा भने सरकारी अनुमतिमै जान पाउँछन्।

अफगानिस्तान जाने कामदारमा सबैभन्दा बढी एक पटक अफगानिस्तान गइ बिदामा नेपाल आउनेको संख्या बढी छ। तर,अफगानिस्तानमा द्वन्द्व चर्किएसँगै नेपालीको उद्धार गर्नुपर्ने आवाज उठेको छ।