.jpg)
.gif)
.gif)
काठमाडौं- देशमै रोजगारीका अवसर नपाउँदा युवाको रोजाइमा वैदेशिक रोजगारी नै परिरहेको छ। नेपालीहरूको मुख्य चाड दसैँजस्ता पर्व परेको महिना असोजमा पनि वैदेशिक रोजगारीमा जाने युवाको संख्यामा कमी आएको छैन।
.gif)
वैदेशिक रोजगार विभागका अनुसार चालु आर्थिक वर्ष २०७९/०८० को पहिलो तिन महिनामा २ लाख २ हजार १ सय ४८ जना युवा वैदेशिक रोजगारीका लागि विश्वका विभिन्न देश पुगेका छन्। जसमा महिलाको संख्या १९ हजार १ सय ७१ रहेको छ।
.gif)
.gif)
कुन महिना कति बाहिरए?
विभागका अनुसार भदौको तुलनामा असोजमा केही संख्यामा कमी भने आएको छ। विभागले सार्वजनिक गरेको तथ्यांकअनुसार असोजमा ६२ हजार ७ सय ६, भदौमा ७६ हजार ४ सय ३ र साउनमा ६३ हजार ३९ जना रहेका छन्।
पहिलो रोजाइमा मलेसिया
युवाको रोजाइमा मलेसिया परेको छ। वैदेशिक रोजगारीका लागि विदेश जाने युवाको संख्यामा सबै भन्दा बढी मलेसिया जाने रहेका छन्। ३ महिना मलेसिया जानेको संख्या ८६ हजार ९ सय १८ जना रहेका छन्।
यसैगरी विभागका अनुसार म्यानपावरमार्फत साउनमा ३७ हजार ६ सय ८०, भदौमा ५० हजार ५० र असोजमा ३७ हजार ४ सय १४ जना युवा वैदेशिक रोजगारीका लागि विभिन्न देश पुगेका छन्।
यसैगरी बिदामा नेपाल आएर फर्कनेको संख्या असोजमा १८ हजार ६ सय ७२, भदौमा १८ हजार ७ सय १० र साउनमा २० हजार ३ सय १० रहेको विभागले जनाएको छ।
