काठमाडौं- सरकारले देशभरका १५ वटा वडालाई विपद् संकटग्रस्त क्षेत्र घोषणा गरेको छ। 

सरकारले सप्तकोशी नदीमा आएको बाढीबाट भौतिक रुपमा क्षति भएको भौगोलिक क्षेत्रलाई विपद् जोखिम न्यूनीकरण तथा व्यवस्थापन ऐन, २०७४ को दफा १२ को उपदफा (१) बमोजिम संवत् २०७० साल पुस मसान्तसम्म लागू हुने गरी विपद् सङ्कटग्रस्त क्षेत्र घोषणा गरेको हो।

सरकारले उदयपुर जिल्ला, बेलका नगरपालिकाको वडा नम्बर १, २, ३ र ८ लाई विपद् सङ्कटग्रस्त क्षेत्र घोषणा गरेको हो।

यसैगरी सरकारले सुनसरी जिल्ला, बराहक्षेत्र नगरपालिकाको वडा नम्बर ६ र ९ र सप्तरी जिल्ला, सप्तकोशी नगरपालिकाको वडा नम्बर ६, ७ र ९ तथा कञ्चनरुप नगरपालिकाको वडा नम्बर १, २, ४, ५, ६ र १० लाई विपद् सङ्कटग्रस्त क्षेत्र घोषणा गरेको हो।