हुन्डाईका कार टेस्ट ड्राइभ गरेर कतार विश्वकप हेर्न जाने मौका

बिजनेस न्युज

मंगलबार, साउन ३ २०७९

हुन्डाईका कार टेस्ट ड्राइभ गरेर कतार विश्वकप हेर्न जाने मौका

काठमाडौं- हुन्डाई कारको टेस्ट ड्राइभ गर्दा विश्वकप-२०२२ लाइभ हेर्ने अफर सार्वजनिक गरिएको छ। आगामी नोभेम्बरमा कतारमा हुने विश्वकपलाई मध्यनजर गर्दै हुन्डाईले आफ्नो 'गोल अफ द सेन्चुरी' अभियान अन्तर्गत साे अफर ल्याएको हो।

यस अफर अन्तर्गत हुन्डाईको देशभर रहेका कुनै पनि सोरुममा कुनै पनि कार टेस्ट-ड्राइभ गरी फिफा विश्वकप प्रत्यक्ष हेर्न जाने मौका पाउनेछन्। साउन ३ गतेबाट सुरु हुने यस अफरमा देशभरका कुनै पनि व्यक्तिले आफ्नो ड्राइभिङ लाइसेन्स लिएर आधिकारिक हुन्डाई सोरुममा रेजिस्टर गरी सहभागी हुन सक्नेछन्।

यो अफरको अन्त्यमा सहभागी मध्यबाट लक्की ड्र मार्फत दुई जनालाई छनोट गरिनेछ। छानिएका दुई जनाले उपहार स्वरूप आफूलाई मनपर्ने एकजना अर्को व्यक्तिसँग कतार गइ विश्वकप लाइभ हेर्न पाउने कम्पनीले जनाएको छ।