काठमाडौं- सिभिल सेभिङ एण्ड क्रेडिट सहकारी संस्थाका अध्यक्ष इच्छाराज तामाङकी श्रीमती पक्राउ परेकी छिन्।

तीन वर्षदेखि फरार सूचीमा रहेकी संस्थामा लेखा समिति सदस्य तथा तामाङकी श्रीमती सिर्जना शाक्य (तामाङ) लाई प्रहरीले मंगलबार पक्राउ गरेको हो।

सहकारीका १ हजार ५ सय ३० बचतकर्ताको करिब ५ अर्ब ८४ करोड ४० लाख रुपैयाँ गठी गरेको आरोपमा अहिले इच्छाराज थुनामा छन्।

प्रहरीले संस्थाका पूर्वअध्यक्ष इच्छाराजसहित १२ जना प्रतिबादीहरुलाई पक्राउ गरी काठमाडौं जिल्ला अदालतमा मुद्दा दायर गरेको छ।इच्छाराजसहित केशवलाल श्रेष्ठ पुर्पक्षको लागि थुनामा रहेका छन्।