काठमाडौं- प्रतिनिधि सभाको उपसभामुखमा नेपाल कांग्रेसकी सांसद पुष्पा भुसाल गौतम  निर्वाचित भएकी छन्। 

सत्ता गठबन्धनबाट उम्मेदवार भएकी भुसालले १४८ मत पाएर निर्वाचित भएकी छन्। यस्तै प्रमुख प्रतिपक्षी दल नेकपा एमालेकी सांसद विद्या भट्टराईले ९३ मत पाइन्। 

शुक्रबार प्रतिनिधि सभामा उपस्थित २४२ सांसदमध्ये १ जना सांसदले मतदान प्रक्रियामा सहभागी भएका थिएनन्।

उपसभामुख निर्वाचित हुनु अघिसम्म भुसाल कांग्रेसको तर्फबाट सचेतक थिइन्।