काठमाडौं- लगातार घटिरहेको एनआरएन इन्फ्रास्ट्रक्चर एण्ड डेभलपमेन्टको सेयर मूल्य पछिल्लो समय बढ्न थालेकाे छ। गत महिना लगातार बढेपनि केही सातादेखि पुनः लगातार मूल्य बढ्न थालेकाे छ। 

मंगलबार एनअनरएनको सेयर मूल्य प्रतिकित्ता ३८.३० रुपैयाँले बढेर ५०४.५० रुपैयाँ कायम भएको छ। मंगलबार २३ हजार कित्ता कारोबार भएको छ। कम्पनीले ५ प्रतिशत सेयर लाभांश र कर बापत ०‍‍‍.२६ प्रतिशत नगद गरी कुल ५.२६ प्रतिशत लाभांश दिएको थियो। कम्पनीको हाल १ अर्ब २२ करोड रुपैयाँ चुक्ता पुँजी रहेको छ।

जसलाई वृद्धि गरेर ५ अर्ब रुपैयाँ पुर्‍याउने योजना कम्पनीले बनाएको छ। कम्पनीले अहिलेसम्म चुक्ता पुँजी बढाउन कुन नीति लिने भन्ने निर्णय नलिए पनि हकप्रद दिनका लागि भने छलफल गरिरहेको छ। 

कम्पनीको पछिल्लो ५२ हप्तामा अधिकतम प्रतिकित्ता ९९० रुपैयाँसम्म कारोबार भएको थियो भने न्यूनतम ४१३ रुपैयाँसम्म झरेको थियो। दुई वर्षअगाडि मात्रै कम्पनीले सर्वसाधारणको नाममा आईपीओ जारी गरेको थियो। कम्पनीको बजार पुँजीकरण ८ अर्ब १७ करोड रुपैयाँ पुगेको छ।