.jpg)
.gif)
.gif)
काठमाडौं- हवाइजहाज निर्माता कम्पनी एयरबसले उदयमान सहरी हवाइ यात्राको बजारलाई लक्षित गरि नयाँ एयर ट्याक्सी सार्वजनिक गरेको छ। एयरबसले आयोजना गरेको पहिलो ‘पायोनियरिङ सस्टेनेवल एरोस्पेस’ सम्मेलनमा नयाँ सिटी एयरबस नेक्स्टजेन सार्वजनिक गरेको हो।
.gif)
पूर्ण इलेक्ट्रिक एयर ट्याक्सी सहरी यात्राका लागि लक्षित गरेर निर्माण गरिएको कम्पनीको भनाइ छ। यो ट्याक्सीले ८० किलोमिटर (५० माइल) सम्मको उडान भर्ने क्षमता राख्छ। सिटीएयरबस नेक्स्टजेनको अधिकतम गती १ सय २० किलोमिटर प्रतिघण्टासम्मको हुनेछ।
.gif)
.gif)
यो ट्याक्सी मुख्य सहरमा हुने झन्झटिलो यात्रा सहज बनाउन उपयोगी हुने छ। सिटीएसरबसको अर्को विशेषता भनेको यो उडाउँदा सामान्य कुराकानी गर्दा जतिमात्र आवाज आउँछ।
सिटीएयरबसले हालसम्म २ सय २४ पटक उडान तथा राउन्ड टेस्ट गरिसकेको अटोइभोलुसनले लेखेको छ। यो परीक्षण उडानमा १ हजार किलोमिटर दूरी पार गरेको छ।
हाल सिटीएयरबस नेक्स्टजेन सञ्चालन अनुमतिको विषय भने छलफलकै चरणमा रहेको छ। कम्पनीले अहिले प्रोटोटाइप सार्वजनिक गरेपनि २०२३ सम्ममा औपचारिक रुपमा उडान हुने अनुमान गरिएको छ।
