काठमाडौं-  ग्लोबल आईएमई बैंक लिमिटेडले भिडियो केवाईसी प्रणाली सुरु गरेको छ। 

ग्लोबल आईएमई बैंक लिमिटेड र डिजिटल नेटवर्क सोलुसनबीच भिडियो केवाईसी प्रणाली विकास र कार्यान्वयनका लागि भएको सम्झौतासँगै बैंकले यो सेवा सुरु गरेको हो। 

सम्झौता पत्रमा ग्लोबल आईएमई बैंकका नायव महाप्रबन्धक कल्याण विक्रम पाँडे र डिजिटल नेटवर्कका प्रमुख कार्यकारी अधिकृत अरुण खत्रीले हस्ताक्षर गरेका छन्। 

सम्झौतापछि ग्लोबल आईएमई बैंकका ग्राहकले अनलाइन भिडियो कलमार्फत आफ्नो केवाईसी अपडेट गर्न सक्नेछन्। बैंकले सुरु गरेको यस सेवाले ग्राहकहरु प्रत्यक्षरुपमा लाभान्वित हुने बैंकको विश्वास रहेको छ।