काठमाडौं-  नेपाल स्टक एक्सचेन्ज (नेप्से) ले चालु आर्थिक वर्ष २०८२/८३ का लागि मार्जिन कारोबार सुविधा प्रदान गर्न अनुमति प्राप्त गरेका सदस्य दलाल कम्पनीहरूको अद्यावधिक सूची सार्वजनिक गरेको छ। 

नेप्सेद्वारा जारी गरिएको आधिकारिक सूचना अनुसार यस वर्ष सेयर लगानीकर्ताहरूलाई मार्जिन ऋण तथा कारोबार सेवा उपलब्ध गराउन कुल ३१ वटा स्टक ब्रोकर कम्पनीहरूले अनुमति प्राप्त गरेका छन्।

यस सूचीमा क्रिष्टल कञ्चनजंघा सेक्युरिटिज , सेक्युर्ड सेक्युरिटिज, भिजन सेक्युरिटिज, प्राइमो सेक्युरिटिज, र कोहिनुर इन्भेष्टमेन्ट एण्ड सेक्युरिटिज जस्ता संस्थाहरू रहेका छन्। यसैगरी दिपशिखा धितोपत्र कारोबार, ईम्पेरियल सेक्युरिटिज, दिव्या सेक्युरिटिज, आर्यतारा इन्भेष्टमेन्ट, डाइनामिक मनि म्यानेजर्स, र दक्षिणकाली इन्भेष्टमेन्टले पनि मार्जिन कारोबारको इजाजत पाएका छन्।

 विवरण अनुसार श्वेता सेक्युरिटिज, सुमेरु सेक्युरिटिज, निभ सेक्युरिटिज, श्रीहरी सेक्युरिटिज, नासा सेक्युरिटिज, सिप्रभी सेक्युरिटिज, र भृकुटी स्टक ब्रोकिङ्ग पनि यो सुविधा दिन योग्य ठहरिएका छन्। सूचीमा सुन्धरा सेक्युरिटिज, क्रियटिभ सेक्युरिटिज, त्रिशक्ति सेक्युरिटिज पब्लिक, एबीसी सेक्युरिटिज, श्रीकृष्ण सेक्युरिटिज, अनलाईन सेक्युरिटिज, सनी सेक्युरिटिज, ओपल सेक्युरिटिज इन्भेष्टमेन्ट, र कालिका सेक्युरिटिज पनि समावेश छन्। 

यसका साथै संस्थागत लगानीकर्ता र ठूला डिलरहरूका रूपमा रहेका नबिल स्टक डिलर, नागरिक स्टक डिलर, एन.आई.एम.बि. स्टक मार्केट्स, र सूचीको अन्तिम अर्थात् चालिसौँ नम्बर अनुमति प्राप्त हिमालयन सेक्युरिटिज रहेका छन्।

नियामक निकाय र नेप्सेको यो स्वीकृतिसँगै तोकिएका ब्रोकरहरूले लगानीकर्ताहरूलाई सेयर खरिदका लागि निश्चित रकम कर्जा (लेभरेज) उपलब्ध गराउन सक्नेछन्। जसले नेपाली पुँजी बजारमा थप तरलता भित्र्याउने अपेक्षा गरिएको छ। मार्जिन सुविधा प्रयोग गर्न चाहने लगानीकर्ताहरूले आवश्यक धितो, सेवा शुल्क र यससँग जोडिएका जोखिमका सर्तहरू बुझ्नका लागि यी तोकिएका अनुमति प्राप्त सदस्य कम्पनीहरूसँग सिधै सम्पर्क गर्न सक्नेछन्।