.jpg)
.gif)
.gif)
काठमाडौं- नेपालस्थित भारतीय दूतावासले लुम्बिनी मा बुद्ध जयन्ती भव्य रूपमा मनाएको छ। कार्यक्रम लुम्बिनी विकास कोष र लुम्बिनी बौद्ध विश्वविद्यालय को सहकार्यमा सम्पन्न गरिएको हो।
.gif)
कार्यक्रममा विद्यालयका विद्यार्थीहरूले तयार पारेका चित्रकला प्रदर्शनी मुख्य आकर्षण बनेका थिए। साथै भारत र नेपालका भिक्षुहरूले संयुक्त रूपमा बौद्ध प्रार्थना वाचन गरेका थिए। साँझको समयमा सांस्कृतिक कार्यक्रमसमेत आयोजना गरिएको थियो।
.gif)
.gif)
सांस्कृतिक कार्यक्रममा भारतको सांस्कृतिक सम्बन्ध परिषद् (आईसीसीआर) अन्तर्गतको टोलीले बौद्ध विषयवस्तुमा आधारित कथक नृत्य प्रस्तुत गरेको थियो। उक्त टोलीको नेतृत्व नृत्यांगना दीप्ति गुप्ताले गरेकी थिइन्। त्यसैगरी, सरोद वादक सुरेश राज बज्राचार्यको नेतृत्वमा नेपाली ब्यान्डले विशेष सांगीतिक प्रस्तुति दिएको थियो। कार्यक्रममा बौद्ध दर्शन र संगीतलाई समेटिएको प्रस्तुति विशेष आकर्षण बनेको थियो।
कार्यक्रममा कृष्ण बहादुर घर्ती मगर प्रमुख अतिथिका रूपमा सहभागी भएका थिए। उनले बुद्धका शिक्षाले विश्व शान्ति, सहअस्तित्व र मानवतावादलाई प्रवर्द्धन गरेको उल्लेख गरे।
कार्यक्रमले नेपाल र भारतबीचको सांस्कृतिक सम्बन्धलाई अझ सुदृढ बनाउने मात्र नभई लुम्बिनीलाई अन्तर्राष्ट्रिय बौद्ध पर्यटन केन्द्रका रूपमा प्रवर्द्धन गर्न पनि योगदान पुर्याउने अपेक्षा गरिएको छ।
