.jpg)
.gif)
.gif)
पर्सा- उच्च अदालत जनकपुर अस्थायी इजलास वीरगञ्जले पर्साका राष्ट्रिय राजमार्ग, सहायक राजमार्ग र हुलाकी राजमार्गमा चाल्ने सवारीसाधनबाट कर नउठाउन आदेश जारी गरेको छ।
.gif)
उच्च अदालत जनकपुर अस्थायी इजलास वीरगञ्जका न्यायाधीशद्वय अर्जुन अधिकारी र दुर्गाप्रसाद ढुंगेलको शुक्रबारको इजलासले सर्वाेच्च अदालतको उत्प्रेषणको रिट निवेदनमा विसं २०८२ फागुन २८ मा विपक्षी वीरगञ्ज महानगरपालिकासमेतका नाममा अन्तरिम आदेश जारी भइसकेको सन्दर्भमा राष्ट्रिय राजमार्ग, सहायक राजमार्ग तथा हुलाकी राजमार्गमा चल्ने सवारीसाधनबाट कर उठाउनबाहेक वीरगञ्ज महानगर मातहत पर्ने सडकमा भने उठाउन सक्ने आदेश जारी गरेको छ।
.gif)
.gif)
'विसं २०८२ साउन ३० गतेको सम्झौताको सर्त बन्देजको अधनीमा रही कर संकलन गर्न निवेदकलाई कुनै प्रकारको अवरोध नगर्नु/नगराउनु भनी यसै अदालतबाट २०८३ वैशाख ४ मा जारी भएको अन्तरिम आदेशलाई सो हदसम्म संशोधन गरी निरन्तता प्रदान गरी दिएको उल्लेख गरिएको छ,' अदालतको आदेशमा भनिएको छ।
प्रभु कन्स्ट्र्क्सनले वीरगञ्ज महानगरको राजमार्ग तथा सहायक राजमार्गमा ठेक्का सम्झौता गरेर सवारी व्यवस्थापन कर उठाउँदै आइरहेको थियो।
पर्सा क्षेत्र नम्बर १ का प्रतिनिधिसभाका सांसद बुद्धिप्रसाद पन्त (हरि) ले उच्च अदालत जनकपुर अस्थायी इजलास वीरगञ्जको निषेधाज्ञा आदेशले राजमार्ग,सहायक राजमार्ग र हुलाकी राजमार्गमा स्थानीय तहले बोलपत्र आह्वान गरेर सवारी कर तथा कवाडी कर संकलन गर्न नपाउने आदेश जारी गरेकोमा खुसी व्यक्त गरे।
'मालवाहक सवारीसाधनसँग अवैध ढंगले ढाँट राखेर कर उठाइदैँ आइरहेको थियो,' उनले भने, 'अदालतको आदेशसँगै सो रोकिने आशा गरेका छौँ।' रासस
