.jpg)
.gif)
.gif)
काठमाडौं- नेपाल सरकारले गत मार्चको शक्तिशाली भूकम्पबाट क्षतिग्रस्त म्यानमारका दुई धार्मिक सम्पदास्थलको पुनर्निर्माणका लागि म्यानमार सरकारलाई ३ लाख ५० हजार अमेरिकी डलर प्रदान गरेको छ।
.gif)
म्यानमारका लागि नेपालका राजदूत हरिश्चन्द्र घिमिरेले म्यानमारको मण्डले सहरको दक्षिण-पश्चिम क्षेत्रमा अवस्थित महामुनी पगोडा परिसरमा हालै आयोजित समारोहमा पगोडाका महासचिव थान उलाई ३ लाख अमेरिकी डलरको चेक हस्तान्तरण गरेको यांगुनस्थित नेपालको राजदूतावासले जनाएको छ।
.gif)
.gif)
साथै उनले गंगाघाट हिन्दु मन्दिरको पुनर्निर्माणका लागि ५० हजार अमेरिकी डलरको चेक उक्त मन्दिरका अध्यक्ष पवन बजोरियालाई हस्तान्तरण गरे।
गंगाघाट मन्दिर म्यानमारमा बसोबास गर्ने नेपाली समुदायको महत्त्वपूर्ण धार्मिकस्थल हो। नेपालको यस सहयोगले साझा धार्मिक सम्पदाको संरक्षण तथा प्राकृतिक विपत्तिबाट प्रभावित सांस्कृतिक महत्त्वका स्थलहरूको पुनर्स्थापनमा नेपाल सरकारको प्रतिबद्धता झल्काउने दूतावासले जारी गरेको विज्ञप्तिमा जनाइएको छ। रासस
