काठमाडाैं- विभिन्न सार्वजनिक बिदाका कारण यो साता नेपाल स्टक एक्सचेन्ज (नेप्से) मा दुई दिन मात्रै सेयर कारोबार हुने भएको छ।
सामान्यतया साताको पाँच दिन बजार खुला रहने भए पनि यसपटक ३ दिन राष्ट्रिय बिदा परेकाले सोमबार र मंगलबार मात्रै कारोबार हुनेछ।
फागुन ३ गते आइतबार महाशिवरात्री, फागुन ६ गते बुधबार ग्याल्पो ल्होसार तथा फागुन ७ गते बिहीबार प्रजातन्त्र दिवसका अवसरमा सरकारले सार्वजनिक बिदा दिएकाले ती दिनहरूमा सेयर बजार बन्द रहनेछ।
यसरी साताको ३ दिन बिदा परेकाले लगानीकर्ताले यो साता २ दिन मात्रै बजारमा कारोबार गर्न पाउने भएका हुन्।