.jpg)
.gif)
.gif)
पर्सा- वीरगञ्ज हुँदै चालु आर्थिक वर्षको ६ महिनामा ७ अर्ब ६४ करोड रुपैयाँको सात थरीका दलहनजन्य खाद्यान्न भित्रिएको छ। गत आर्थिक वर्षको ६ महिनामा १ अर्ब ८० करोड रुपैयाँभन्दा बढीको दलहन खाद्यान्न भित्रिएको थियो।
.gif)
वीरगञ्ज भन्सार कार्यालयका सूचना अधिकारी उदयसिंह विष्टले गत आर्थिक वर्षको ६ महिनाको तुलनामा चालु आर्थिक वर्षको ६ महिनामा ३१ प्रतिशतले आयात बढेको बताए।
.gif)
.gif)
गत आर्थिक वर्षको ६ महिनामा भने ५ अर्ब ८३ करोड रुपैयाँको सात थरीका दलहन खाद्यान्न आयात भएको थियो। चालु आर्थिक वर्षको ६ महिनामा ३ अर्ब ८२ करोड रुपैयाँको मुसुरो दाल आयात भएको छ।
त्यस्तै सोही अवधिमा १ अर्ब १७ करोड रुपैयाँको सिमी/राज्मा आयात भएको छ। चालु आर्थिक वर्षको ६ महिनामा १ अर्ब १४ करोड रुपैयाँको चना आयात भएको छ।
त्यसैगरी १ अर्ब रुपैयाँको अन्य गेडागुडी आयात भएको छ। २७ करोड रुपैयाँबराबरको रहरको दाल र १६ करोड रुपैयाँको केराउ आयात भएको छ। त्यस्तै ५ करोड १० लाख रुपैयाँ बकुल्ला आयात भएको छ। रासस
