.jpg)
.gif)
.gif)
काठमाडाैं- मितेरी डेभलपमेन्ट बैंक लिमिटेडले चालु आर्थिक वर्षको दोस्रो त्रैमाससम्मको अपरिष्कृत वित्तीय विवरण सार्वजनिक गरेको छ।
.gif)
बैंकले पुस मसान्तसम्ममा ५ करोड ७० लाख रुपैयाँ खुद नाफा आर्जन गरेको छ। जुन गत आर्थिक वर्षको सोही अवधिको २ करोड ५८ लाख रुपैयाँको तुलनामा १२०.२६ प्रतिशतले बढी हो।
.gif)
.gif)
बैंकको खुद ब्याज आम्दानी र सञ्चालन मुनाफामा आएको सुधारले गर्दा समग्र नाफामा सकारात्मक प्रभाव परेको देखिन्छ।
बैंकको व्यावसायिक वृद्धितर्फ हेर्दा खुद ब्याज आम्दानी ६८.४३ प्रतिशतले वृद्धि भएको छ भने खुद फी तथा कमिशन आम्दानीमा १९९.१२ प्रतिशतको उच्च बढोत्तरी देखिएको छ। यसैगरी बैंकको सञ्चालक आम्दानी ७५.८५ प्रतिशत र सञ्चालन मुनाफा १२०.२६ प्रतिशतले बढेको छ। हाल बैंकको वितरणयोग्य मुनाफा ६ करोड ७९ लाख रुपैयाँ रहेको छ भने वितरणयोग्य प्रतिशेयर आम्दानी ११ रुपैयाँ १६ पैसा कायम भएको छ।
वित्तीय सूचकहरूमा आएको सुधारसँगै बैंकको प्रतिसेयर आम्दानी पनि ५ रुपैयाँ १२ पैसाले बढेर ९ रुपैयाँ ३७ पैसा पुगेको छ।
पुस मसान्तसम्मको विवरण अनुसार बैंकको मूल्य आम्दानी अनुपात ६४.१० गुणा र प्रतिसेयर नेटवर्थ १३५ रुपैयाँ ९८ पैसा रहेको छ। १ अर्ब २१ करोड रुपैयाँ चुक्ता पुँजी भएको यस बैंकको जगेडा कोषमा ४३ करोड ७९ लाख रुपैयाँ सञ्चित छ।
बैंकले समीक्षा अवधिसम्ममा ८ अर्ब ३८ करोड रुपैयाँ निक्षेप संकलन गरी ६ अर्ब ५६ करोड रुपैयाँ बराबरको कर्जा प्रवाह गरेको छ।
