.jpg)
.gif)
.gif)
काठमाडौं- आगामी फागुन २१ गते हुने प्रतिनिधिसभा सदस्य निर्वाचनका लागि मतपत्र छपाइको जिम्मा पाएको जनक शिक्षा सामग्री केन्द्रले हालसम्म समानुपातिकतर्फको १ करोड २ लाख ३० हजार थान मतपत्र छपाइ गरेको छ।
.gif)
केन्द्रले उपलब्ध गराएको विवरणअनुसार पछिल्लो २४ घण्टामा मात्रै १३ लाख १३ हजार मतपत्र छपाइ भएको हो। निर्वाचन आयोगले उपलब्ध गराएको समानुपातिकतर्फको कुल २ करोड ८ लाख ३० हजार थान मतपत्र छपाइ गर्नुपर्नेछ। केन्द्रले हालसम्म ५० प्रतिशत मतपत्रको छपाइ गरिसकेको छ।
.gif)
.gif)
यस्तै केन्द्रले आयोगलाई कुल १० लाख ९८ हजार २ सय थान मतपत्र उपलब्ध गराइसकेको छ। केन्द्रले पछिल्लो २४ घण्टामा एक हजार ४ सय ३१ बाकस मतपत्रको प्याकिङसमेत सम्पन्न गरेको छ। कुल ७ हजार ८ सय ४१ बाकस मतपत्र प्याकिङ भइसकेको र १२ हजार ९ सय ८९ बाकस भने बाँकी छ।
प्रत्यक्षतर्फको मतपत्र भने उम्मेदवारको मनोनय, दाबी विरोधको प्रक्रिया सम्पन्न भई अन्तिम नामावली प्रकाशन गर्ने र उम्मेदवारलाई चुनाव चिह्न प्रदान गरिसकेपछि सुरु हुने जनक शिक्षा सामग्री केन्द्रले जनाएको छ। रासस
