.jpg)
.gif)
.gif)
काठमाडौं- कृषि तथा पशुपन्छी विकासमन्त्री डा. मदन परियारले कृषि क्षेत्रमा देखिएका समस्या समाधान गर्न सरकार तत्पर रहेको बताएका छन्।
.gif)
ललितपुरमा आज आयोजित 'नेपाल फुड फोरम २०२५' को उद्घाटन सत्रमा उनले व्यवसायीकरण र प्रतिस्पर्धी बजारको विकासमा देखिएका समस्या समाधान गर्न सरकारले काम गरिरहेको बताए। उनले कृषि व्यवसायलाई संस्थागत गर्ने, ग्रामीण अर्थतन्त्रलाई पुनरुत्थान गर्ने र नेपालभर दिगो विकासलाई अगाडि बढाउने प्रतिबद्धता व्यक्त गरे।
.gif)
.gif)
उनले भने, 'कृषि लगानी दशक (२०२४-२०३४) को घोषणामार्फत प्रदर्शित सरकारको प्रतिबद्धतालाई पनि दोहोर्याउन चाहन्छु, जसको उद्देश्य कृषि वित्तपोषण बढाउने र संरचनात्मक आर्थिक रूपान्तरणलाई तीव्र पार्ने हो, यस दशकको दृष्टिकोण र उद्देश्यहरूलाई अगाडि बढाउन सरकार तयार छ।'
मन्त्रालयले प्रभावकारी स्रोत परिचालन र लगानी बढाउन बलियो अन्तरएजेन्सी सहकार्य र साझेदारीको महत्त्वमा जोड दिइरहेको भन्दै उनले कृषि खाद्य प्रणालीमा नवीनता, जलवायु स्मार्ट खेती, उद्यमशीलता र प्रविधि सञ्चालित रूपान्तरणमार्फत कृषिलाई नेपालको आर्थिक विकासको मुख्यधारमा ल्याउन सकिने बताए। रासस
