.jpg)
.gif)
.gif)
काठमाडौं- यो साताको पहिलो कारोबारमा आइतबार २६.५१ अंकले घटेको सेयर बजार दोस्रो कारोबारमा आज सोमबार पनि सामान्य घटेर बन्द भएको छ। आज सेयर बजार परिसूचक नेप्से ४.२८ अंकले घटेको हो।
.gif)
आजको कारोबारमा ३ सय २५ कम्पनीको १ करोड ८ लाख ६० हजार ८ सय २८ कित्ता सेयर खरिदबिक्री हुँदा ४ अर्ब ७१ करोड ६३ लाख ८३ हजार ५ सय ८० रुपैयाँको कारोबार भएको छ। नेपाल राष्ट्र बैंकले मौद्रिक नीतिको पहिलो त्रैमासिक समीक्षा सार्वजनिक गरे पनि बजारमा त्यसले खास प्रभाव परेन।
.gif)
.gif)
आज सेन्सेटिभ इण्डेक्स ०.३७ अंकले घटेको छ भने फ्लोट इण्डेक्स ०.२८ र सेन्सेटिभ फ्लोट इण्डेक्स ०.४९ अंकले घटेको छ।
आजको कारोबारमा यस दिन ४ स्टकको सेयर सकारात्मक सर्किट लेभलमा कारोबार भएको छ। आज सागर डिष्टिलरी, स्वस्तिक लघुवित्त वित्तीय संस्था, झापा इनर्जी र श्रीनगर एग्रीटेक इन्डष्ट्रीजको सेयर सकारात्मक सर्किट लेभलमा कारोबार भएको हो।
त्यस्तै ग्रीन भेन्चर्सका सेयरमूल्य करिब साढे ९ प्रतिशत बढेको छ भने नारायणी डेभलपमेन्ट बैंकको सेयरमूल्य साढे ६ प्रतिशत बढेको छ। निफ्रा ग्रीन इनर्जी डिबेञ्चरको मूल्य सर्वाधिक ९.५१ प्रतिशतले घटेको छ।
१३ उपसमूहमध्ये यसदिन ५ उपसमूहको परिसूचक बढेको छ भने ८ उपसमूहको परिसूचक घटेको छ। यसदिन विकास बैंक, वित्त, जलविद्युत, उत्पादन तथा प्रशोधन र लघुवित्त उपसमूहको परिसूचक सामान्य अंकमा बढेको हो।
आउँदो चुनावसम्म बजारले थप गति समात्ने विश्लेषकहरूले बताइरहेका छन्। सरकारले निजी क्षेत्रमैत्री विभिन्न नीतिका साथै पुँजी बजारलाई समेत विशेष ध्यान दिइरहँदा लगानीकर्ता पर्ख र हेरको अवस्थामा देखिएका छन्।
