काठमाडौं- सुनको मूल्य तोलमा १ हजार ९ सय रुपैयाँले बढेको छ। बुधबार सुन प्रतितोला ९९ हजार ५ सय रूपैयाँमा कारोबार भइरहेको छ।

मंगलबार तोलामा ६ सय रुपैयाँले घटेको सुन बुधबार ९९ हजार ५ सय रुपैयाँ पुगेको हो। 

यस्तै बुधबार तेजाबी सुनको मूल्य प्रतितोला ९९ हजार रुपैयाँ तोकिएको नेपाल सुनचाँदी व्यवसायी महासंघले जानकारी दिएको छ। रुस र युक्रेनबीच चलिरहेको युद्धको असर विश्वबजारमा परेका कारण सुनको मूल्य निरन्तर उकालो लागिरहेको हो। 

यसका साथै, बुधबार चाँदीको मूल्य प्रतितोला ४० रुपैयाँले बढेको महासंघले जानकारी दिएको छ। हिजो मंगलबार तोलामा १३ सय ३५ रुपैयाँमा कारोबार भएको चाँदीको मूल्य आज १३ सय ७५ रुपैयाँ पुगेको छ।