.jpg)
.jpg)
.gif)
.gif)
काठमाडौं- काठमाडौं महानगरपालिकाका प्रमुख बालेन शाहले अन्तरिम सरकारको नेतृत्वका लागि जेनजीले अगाडि सारेको नाम पूर्वप्रधानन्यायाधीश सुशीला कार्कीप्रति आफ्नो समर्थन रहेको बताएका छन्।
.gif)
सामाजिक सञ्जालमार्फत उनले भनेका छन्, 'अहिले देश एउटा इतिहासमै नभएको फरक परिस्थितिमा छ। तपाईँहरूले अहिले सुनौलो भविष्यतर्फ कदम चाल्दै हुनुहुन्छ। यो बेला कृपया नआत्तिनु होला, धैर्य राख्नु होला। अब देश अन्तरिम सरकारमा जाँदैछ, जसले देशमा नयाँ चुनाव गराउनेछ। यो अन्तरिम सरकारको काम भनेको चुनाव गराउने, देशलाई नयाँ जनादेश दिने हो।'
.gif)
.gif)
'यो अन्तरिम/चुनावी सरकारको नेतृत्व गर्नका लागि तपाईँहरूबाट आएको प्रस्ताव पूर्व प्रधानन्यायाधीश सुशीला कार्कीप्रति पूर्ण समर्थन छ। तपाईँहरूको सुझबुझ, विवेक र एकतालाई हृदयदेखि सम्मान गर्न चाहन्छु। तपाईँहरू कति परिपक्व हुनुहुँदो रहेछ भन्ने कुरा यसैले जनाउँछ' उनले भनेका छन्।
'अहिले नै हतारमा नेतृत्वमा आउन चाहनुभएका साथीहरूलाई के भन्न चाहन्छु भने, तपाईँहरूको जोश, तपाईँहरूको सोच, तपाईँहरूको इमानदारीता देशलाई स्थायी रूपमा चाहिएको हो, अस्थायी रूपमा होइन। त्यसका लागि चुनाव त हुन्छ नै । कृपया हतार नगर्नु होला' उनले भनेका छन्।
साथै जेनजीहरुले ल्याएको ऐतिहासिक क्रान्तिलाई संरक्षण गर्न अन्तरिम सरकारको गठन र संसदको विघटन अविलम्ब गर्न उनले राष्ट्रपति रामचन्द्र पौडेललाई आग्रह गरेका छन्।
