.jpg)
.jpg)
.gif)
.gif)
काठमाडौं- भारतले नेपालमा विकसित पछिल्लो घटनाक्रमलाई नजिकबाट हेरिरहेको बताएको छ।
.gif)
भारतीय विदेश मन्त्रालयले मंगलबार विज्ञप्ति जारी गर्दै जेनजीको प्रदर्शनका क्रममा युवाहरूको मृत्यु भएको घटनाप्रति दु:ख व्यक्त गरेको छ।
.gif)
.gif)
‘हामी नेपालमा हिजोदेखि देखिएका घटनाक्रमलाई नजिकबाट नियालिरहेका छौँ। अनेकौँ युवा जीवनको क्षतिबाट हामी दु:खी भएका छौँ,’ विदेश मन्त्रालयद्वारा जारी विज्ञप्तिमा भनिएको छ, ‘मृतकका परिवारप्रति हामी समवेदना व्यक्त गर्दछौँ। घाइतेहरूको शीघ्र स्वास्थ्यलाभको कामना गर्दछौँ।’
नेपालसँगको नजिकको मित्रता र छिमेकीको नातालाई जोड दिँदै संयमता अपनाउन र समस्याहरूलाई शान्तिपूर्ण संवादमार्फत समाधान गर्न सबै पक्षलाई भारत सरकारले आग्रह छ।
भारतले काठमाडौंसहित अन्य सहरमा कर्फ्यू आदेश जारी भएको उल्लेख गर्दै नेपालमा रहेका भारतीय नागरिकलाई सतर्क रहन र स्थानीय प्रशासनले जारी गरेका निर्देशन पालना गर्न विज्ञप्तिमा भनिएको छ।
सामाजिक सञ्जाल बन्द र शासकीय अव्यवस्थाविरुद्ध जेनजी युवाहरूले थालेको प्रदर्शनमा प्रहरीले दमन गर्दा मृत्यु हुनेको संख्या १९ पुगेको छ भने ४ सय भन्दा बढी युवाहरु घाइते भएका छन्।
