.jpg)
.jpg)
.gif)
.gif)
दाङ- तुलसीपुरका होटल व्यवसायीले राति ११ बजेसम्म होटल खोल्न पाउनुपर्ने माग राखेका छन्। कोरोनापछि होटल व्यवसायमा मन्दी आएकाले राति ११ बजेसम्म खोल्न पाउनुपर्ने उनीहरुको माग छ।
.gif)
तुलसीपुर होटल व्यवसायी समितिका अध्यक्ष इन्द्रबहादुर बस्नेत भन्छन्, 'कोरोनापछि सबैतिरको व्यापार ठप्प छ, झन् होटल व्यवसायी मारमा छन्, यस्तो बेला होटललाई हेर्ने दृष्टिकोण सकारात्मक हुनुपर्छ।'
.gif)
.gif)
जिल्ला प्रशासन कार्यालयले राति ११ बजेसम्म खोल्न पाउने अनुमति दिएको भए पनि प्रहरीले ९ बजे नै बन्द गराउँदै आएकाले व्यवसायी थप मारमा परेका हुन्। 'प्रहरीले जबर्जस्ती ९ बजे नै बन्द गराउँदै हिँडिरहेका छन्, यसले हामीलाई मार परेको छ', उनले भने।
राति गाडीमा बाहिरबाट आउनेहरूलाई पनि मध्यनजर गर्नुपर्ने उनको भनाइ छ। तुलसीपुरमा पाँच सयभन्दा बढी होटल व्यवसायी छन्। तुलसीपुर उपमहानगरपालिकाका प्रमुख टीकाराम खड्काले होटल सञ्चालन गर्ने समयको विषयमा जिल्लाभर एकरुपता हुनुपर्ने बताए।
प्रहरीले धरपडक गर्ने गरेको भन्दै व्यवसायीले ध्यानाकर्षण गराएपछि सोमबार मात्रै उपमहानगरपालिकाले सर्वपक्षीय बैठक बोलाएको थियो। रासस
