.jpg)
.jpg)
.gif)
.gif)
काठमाडौ- नेपालमा हालैको मौसम पूर्वानुमानअनुसार मनसुन केही कमजोर देखिएको छ। जल तथा मौसम पूर्वानुमान महाशाखाले जनाएको छ कि मनसुनको न्यूनचापीय रेखा सरदर स्थानको दक्षिणतर्फ अवस्थित रहेकोले देशभर मनसुनको सक्रियता सामान्यतया घटेको छ।
.gif)
महाशाखाका अनुसार बंगालको खाडीबाट जलवाष्पयुक्त हावा भित्रिने क्रम भने जारी छ। बिहीबार दिउँसो देशका पहाडी भू-भागमा साधारणतया बदली रहने छ भने बाँकी भू-भागमा आंशिक बदली रहने अनुमान गरिएको छ। दिउँसो पहाडी भू-भागका केही स्थान र तराईका एक–दुई स्थानमा मध्यम वर्षाको सम्भावना रहेको छ।
.gif)
.gif)
बिहीबार राति देशभर साधारणतया बदली रहनेछ। राति कोशी, मधेश, बागमती र गण्डकी प्रदेशका केही स्थानमा मध्यम वर्षा पर्ने सम्भावना रहेको छ भने बाँकी भू-भागका थोरै स्थानमा पनि वर्षा हुनसक्ने महाशाखाले जनाएको छ। साथै, कोशी, बागमती र गण्डकी प्रदेशका पहाडी भू-भागका एक–दुई स्थानमा भारी वर्षा हुने सम्भावना रहेको छ। रासस
