.jpg)
.jpg)
.gif)
.gif)
बैतडी- जिल्लाको दुर्गम तल्लोस्वराड क्षेत्रस्थित शिवनाथ गाउँपालिकामा विद्युत् सेवा विस्तार भएको छ। गाउँपालिकाकाको वडा नं २ शर्माली र वडा नम्बर ३ सौगडामा विद्युत् सेवा विस्तार भएको हो।
.gif)
शिवनाथ गाउँपालिकाका अध्यक्ष कर्णसिंह साउदका अनुसार भारतसँग सिमाना जोडिएको शिवनाथ-२ शर्मालीका ५८ घरमा बिजुली पुगेको छ।
.gif)
.gif)
वडा नम्बर ३ को सौगडामा पनि धमाधम विद्युतीकरण भइरहेको छ। बिजुली विस्तार गर्न बाँकी रहेका ४ र १ नम्बर चाँडै काम थालिने उनले बताए। शिवनाथका वडा नम्बर ५ र ६ मा यसअघि नै बिजुली बलिसकेको छ। गाउँमा बिजुली बलेसँगै अन्न कुट्ने-पिस्ने मिल सञ्चालन भएका छन्।
शिवनाथ क्षेत्रमा ११ केभी लाइन विस्तार गरेर बिजुली बालिएको नेपाल विद्युत प्राधिकरण बैतडी वितरण केन्द्रका प्रमुख जनार्दन पौडेलले जानकारी दिए। रासस
