.jpg)
.jpg)
.gif)
.gif)
काठमाडौं- गत असार २३ गते रसुवा जिल्लामा अविरल वर्षा तथा बाढीपहिरोको क्षतिबाट उत्पन्न प्रारम्भिक बीमा दाबी ९८ करोड ५९ लाख ८२ हजार रूपैयाँ बराबर पुगेको छ।
.gif)
नेपाल बीमा प्राधिकरणका अनुसार यही साउन २२ गतेसम्म कुल बीमा दाबी ७८ पुगेको छ। त्यसमा सम्पत्ति बीमा छ, सामुद्रिक बीमा नौ, इन्जिनियरिङ तथा ठेकेदार जोखिम पाँच, मोटर बीमा (निजी) १६ र मोटर बीमा (सार्वजनिक) ४२ वटा दाबी परेको छ।
.gif)
.gif)
प्राधिकरणका अनुसार हिमालयन एभरेष्टमा ५५ करोड, शिखर इन्स्यारेन्स कम्पनीमा १६ करोड ९६ लाख ३० हजार, नेपाल इन्स्यारेन्स कम्पनी आठ करोड ७३ लाख तथा सानिमा जीआईसीमा ६ करोड ८४ लाख ८२ हजार रूपैयाँ बराबरको बीमा दाबी भएको छ।
प्राधिकरणका अनुसार नेको इन्स्योरेन्स पाँच करोड ६७ लाख, सगरमाथा लुम्बिनी इन्स्योरेन्समा दुई करोड ६५ लाख, युनाइटेड अजोड इन्स्योरेन्स कम्पनीमा ९१ लाख, आइजीआई प्रुडेन्सियल इन्स्योरेन्स कम्पनी ७६ लाख ७० हजार, एनएलजी इन्स्योरेन्स कम्पनीमा ४७ लाख, सिद्धार्थ प्रिमियर ३१ लाख र प्रभु इन्स्योरेन्स २८ लाख रूपैयाँ बराबरको बीमा दाबी परेको छ।
लेहेन्दे खोलामा आएको बाढीका कारण नेपाल-चीन सीमामा रहेको मितेरी पुल, भन्सार यार्डमा पार्किङ गरी राखिएका सवारीसाधन बगाएको थियो।
यस्तै, रसुवागढी हाइड्रोपावरलगायत संरचनामा समेत बाढीले क्षति पुगेको थियो। रासस
