.jpg)
.jpg)
.gif)
.gif)
काठमाडौं- मनसुनको न्यूनचापीय रेखा सरदर स्थानभन्दा दक्षिणतर्फ, भारततर्फ अवस्थित रहेको जल तथा मौसम विज्ञान विभाग, मौसम पूर्वानुमान महाशाखाले जनाएको छ। यसका कारण देशका विभिन्न भागमा वर्षा भइरहेको छ र आगामी २४ घण्टामा पनि वर्षा जारी रहने अनुमान गरिएको छ।
.gif)
महाशाखाका अनुसार अहिले मधेस, कोशी, र लुम्बिनी प्रदेशका केही स्थानमा मध्यम वर्षा भइरहेको छ। पछिल्लो २४ घण्टामा धनुषाको तुलसीमा १०३.२ मिलिमिटर, सर्लाहीको परवानीपुरमा ८१.२ मिलिमिटर, सिन्धुपाल्चोकको मानेखर्कमा ८८ मिलिमिटर, र कैलालीको एक स्थानमा ८६.२ मिलिमिटर वर्षा रेकर्ड गरिएको छ।
.gif)
.gif)
आइतबार दिनभर देशभर साधारणतया बदली रहनेछ। कोशी, बागमती, र गण्डकी प्रदेशको पहाडी भू–भागका केही स्थान तथा मधेस प्रदेशलगायत बाँकी पहाडी र तराई भू–भागका थोरै स्थानमा मध्यम वर्षाको सम्भावना छ। साथै, कोशी र गण्डकी प्रदेशको पहाडी क्षेत्रमा एक–दुई स्थानमा भारी वर्षा हुने सम्भावनासमेत महाशाखाले जनाएको छ।
आइतबार राति पनि देशभर साधारणतया बदली रहने पूर्वानुमान गरिएको छ। यस अवधिमा मधेस प्रदेशसँगै कोशी, बागमती, र गण्डकी प्रदेशको पहाडी भू–भागका केही स्थान र अन्य प्रदेशका पहाडी तथा तराई भू–भागका थोरै स्थानमा मध्यम वर्षा हुने देखिएको छ। कोशी, बागमती र गण्डकीको पहाडी क्षेत्रमा एक–दुई स्थानमा भारी वर्षा हुन सक्ने भएकाले सतर्कता अपनाउन विभागले आग्रह गरेको छ। रासस
