.jpg)
.jpg)
.gif)
.gif)
काठमाडौं- देशभर आइतबारसम्म धान रोपाइँ हुने कुल क्षेत्रफलको ७८.८४ प्रतिशत भूभागमा रोपाइँ सम्पन्न भएको छ। कृषि तथा पशुपन्छी विकास मन्त्रालयका अनुसार हालसम्मको अवस्था अघिल्लो वर्षको तुलनामा केही कम रहेको छ।
.gif)
प्रदेशगत रूपमा सुदूरपश्चिम प्रदेशमा ९८.९४ प्रतिशत र लुम्बिनी प्रदेशमा ९२.०४ प्रतिशत भूभागमा धान रोपाइँ सकिएको छ। यस्तै, कर्णाली प्रदेशमा ९१.३८ प्रतिशत, वाग्मती प्रदेशमा ८७.१९ प्रतिशत, कोशी प्रदेशमा ८०.३९ प्रतिशत र गण्डकी प्रदेशमा ८५.५३ प्रतिशत क्षेत्रफलमा रोपाइँ सम्पन्न भएको छ।
.gif)
.gif)
मधेश प्रदेशमा भने हालसम्म जम्मा ५१.८२ प्रतिशत भूभागमा मात्र रोपाइँ सकिएको मन्त्रालयले जनाएको छ। लगातारको पानीको अभावका कारण रोपाइँ सुस्त रहेको बताइएको छ।
गत वर्षको यही मितिसम्म (साउन १३) ९२.६ प्रतिशत भूभागमा रोपाइँ भइसकेको थियो। तर, यस वर्ष विशेषगरी मधेश प्रदेशलगायतका केही क्षेत्रमा वर्षा कम हुँदा कुल रोपाइँको प्रगति अपेक्षाकृत कम देखिएको मन्त्रालयले उल्लेख गरेको छ। रासस
