.jpg)
.jpg)
.gif)
.gif)
अमरगढी- डडेल्धुराका सातवटै स्थानीय तहले मंगलबार आर्थिक वर्ष २०८२/८३ का लागि बजेट सार्वजनिक गरेका छन्।
.gif)
यहाँका पालिकाले विकास निर्माण, पूर्वाधार, शिक्षा, स्वास्थ्य र रोजगारीलाई प्राथमिकतामा राखेर बजेट प्रस्तुत गरेका हुन्।
.gif)
.gif)
सबैभन्दा बढी बजेट परशुराम नगरपालिकाले प्रस्तुत गर्दै ८० करोड ४९ लाख ४१ हजार रूपैयाँ विनियोजन गरेको छ। नगर उपप्रमुख विमलाकुमारी बोहराले १७ औँ नगरसभामा बजेट प्रस्तुत गर्दै शिक्षा, स्वास्थ्य, रोजगारी र पूर्वाधार क्षेत्र प्राथमिकतामा परेको जानकारी दिइन्।
अमरगढी नगरपालिकाले ५८ करोड २५ लाख ८८ हजार, आलिताल गाउँपालिकाले ५३ करोड २७ लाख २० हजार, अजयमेरु गाउँपालिकाले ५३ करोड दुई लाख ३८ हजार, गन्यापधुरा गाउँपालिकाले ४४ करोड ७४ लाख ५० हजार, भागेश्वर गाउँपालिकाले ५२ करोड ५७ लाख र नवदुर्गा गाउँपालिकाले ४६ करोड ७६ लाख १९ हजार रूपैयाँ बराबरको बजेट सार्वजनिक गरेका छन्।
पालिकाहरुले संघीय, प्रदेश र आन्तरिक स्रोतबाट जुट्ने आम्दानीको अनुमानका आधारमा खर्च विनियोजन गरेका छन्।
अधिकांश पालिकाले आधारभूत सेवा, पूर्वाधार सुदृढीकरण, सामाजिक न्याय र समावेशी विकासमा जोड दिने जनाएका छन्। गाउँ तथा नगरसभा अधिवेशनमार्फत प्रस्तुत बजेटमध्ये केही सर्वसम्मतरूपमा पारित भइसकेका छन् भने केही पालिकामा छलफल जारी रहेको जनाइएको छ। रासस
