.jpg)
.jpg)
.gif)
.gif)
काठमाडौं- संघीय संसदअन्तर्गत प्रतिनिधिसभाको पूर्वाधार विकास समितिले ललितपुरस्थित ग्वार्को ओभरपासको निरीक्षण गरेको छ।
.gif)
आज समितिका सभापति दीपक सिंहको संयोजकत्वमा स्थलगत अवलोकन भएको हो। समितिका सदस्य तथा प्रतिनिधिसभा सदस्य माधव सापकोटाले ओभरपासको प्रगतिबारे जानकारी लिन निरीक्षण गरिएको बताए।
.gif)
.gif)
'ओभरपासको निरीक्षण गर्दा अधिकांश कार्य सम्पन्न भए पनि केही साना काम बाँकी देखिएको छ,' उनले भने, 'लाइट जडान गर्नुपर्ने, सुरक्षा सुनिश्चितताका लागि सीसी क्यामरा जडानलगायतका काम बाँकी छन्। मन्त्रालयका सचिव, सडक विभागका महानिर्देशकलगायतका पदाधिकारीलाई बोलाएर आवश्यक निर्देशन दिन छलफल गरिएको छ।'
भौतिक पूर्वाधार तथा यातायात मन्त्रालयले प्रधानमन्त्री केपी शर्मा ओलीबाट आगामी शुक्रबार ओभरपास उद्घाटन गर्ने जनाएको छ। पटक-पटक म्याद थप हुँदै आएकोमा अब भने ओभरपास निर्माण सम्पन्नको अन्तिम चरणमा पुगेको छ।
विसं २०७८ फागुन १२ गते ठेक्का सम्झौता भइ निर्माण सुरु भएको उक्त फ्लाइओभर परियोजना विभिन्न चरणमा म्याद थप गर्दै २०८१ साल पुस ८ गतेभित्र सम्पन्न गर्ने गरी सम्झौता भएको थियो।
३० मिटर स्पान र चार लेनको पुलसहितको उक्त ओभरपास आशिष-समानान्तर-रेलिगेर जेभीले निर्माण गरिरहेको हो। रासस
