काठमाडौं-  सञ्चार तथा सूचना प्रविधि मन्त्रालयअन्तर्गतको सुरक्षण मुद्रण केन्द्रले  फेरि १९ करोडको ठेक्का म्याक्स इन्टरनेसनललाई दिएको छ। केन्द्रले म्याक्सलाई डिजिटल नम्बरिङ, काउन्टिङ मेसिन जडान तथा आपूर्तिको काम गर्न म्याक्स इन्टरनेसनललाई जिम्मा दिने भएको छ। 

१९ करोड ८३ लाख ९५ लाख रुपैयाँमा काम गर्नका लागि केन्द्र म्याक्सलाई ठेक्का दिने निर्णय गरेको हो। केन्द्रले अधिकांश ठूलो रकमका ठेक्का म्याक्सलाई दिँदै आएको छ। 

म्याक्स इन्टरनेसनलले यसअघि ७४ करोडको ठेक्का केन्द्रबाटै पाएको थियो। सेक्युरिटी प्रेस स्थापना गर्ने जिम्मा यसैले पाएको थियो। 

म्याक्सले यसअघि मिलेमतोमै ३ अर्ब ४७ करोड ६९ लाखको ठेक्का पाएको थियो। एक हजार विद्यालयमा आईटील्याब स्थापना गर्नका लागि म्याक्ससहितको कम्पनीले ठेक्का पाएको थियो। 

आईटी ल्याब स्थापनामा यो कम्पनीले ठेक्का लिए पनि गुणस्तरीय काम गरेको थिएन। यद्यपि राजनीतिक संरक्षणका कारणले सबै भुक्तानी लिन भने सफल भएको थियो।