काठमाडौं- मंगलबार नेपाली बजारमा सुनको मूल्य स्थिर रहेको छ भने चाँदीको सामान्य घटेको छ। 

सोमबार तोलामा ६ सय रूपैयाँले बढेर प्रतितोला एक लाख ८४ हजार ८ सय रूपैयाँमा कारोबार भएकामा मंगलबार पनि सुन सोही मूल्यमा कारोबार भइरहेको नेपाल सुनचाँदी व्यवसायी महासंघले जनाएको छ।

यो साता आइतबार सुनको मूल्य प्रतितोला ६ सय रूपैयाँले घटेको थियो।

यस्तै, यो साता लगातार दुईदिन स्थिर रहेको चाँदीको मूल्य मंगलबार भने प्रतितोला ५ रूपैयाँले घटेको छ।

महासंघका अनुसार मंगलबारका लागि चाँदीको मूल्य प्रतितोला एक हजार ९ सय ४० रूपैयाँ तोकिएको छ।

आइतबार र सोमबार चाँदी प्रतितोला एक हजार ९ सय ४५ रूपैयाँमा कारोबार भएको थियो।