काठमाडौं- नेपाली बजारमा आइतबार सुनको मूल्य प्रतितोला तीनसय रूपैयाँले घटेको छ। आइतबारका लागि सुनको मूल्य प्रतितोला एक लाख ९० हजार ५ सय रूपैयाँ तोकिएको छ।

गएको शुक्रबार सुन प्रतितोला एक लाख ९० हजार ८ सय रूपैयाँमा कारोबार भएको थियो।

चाँदीको मूल्य भने आज प्रतितोला १० रूपैयाँले वृद्धि भएको नेपाल सुनचाँदी व्यवसायी महासंघले जनाएको छ।

महासंघका अनुसार आजका लागि चाँदीको मूल्य प्रतितोला एक हजार ९ सय ७० रूपैयाँ तोकिएको छ।