काठमाडौं- नेपाल आयल निगमले पेट्रोलियम पदार्थको मूल्य घटाएको छ। निगमले भारतबाट आएको नयाँ सूचीमा मूल्य घटेर आएकाले सोहीअनुसार मूल्य समायोजन गरेको हो।

निगमका अनुसार समायोजन गरिएको मूल्य राति १२ बजेबाट लागुनहुने छ। योपटक निगमले पेट्रोल, डिजेल र मट्टितेलको मूल्य घटाएको छ।

निगम सञ्चालक समितिको निर्णयअनुसार पेट्रोलमा प्रतिलिटर २ रूपैयाँ, मट्टितेल र डिजेलमा प्रतिलिटर १/१ रूपैयाँ मूल्य घटाइएको छ।

अब पेट्रोल प्रतिलिटर १ सय ५८ रूपैयाँ र डिजेल/मट्टितेल लिटरको १ सय ४५ रुपैयाँ कायम भएको छ।

खाना पकाउने ग्यासको मूल्य प्रतिसिलिन्डर १५ रुपैयाँ ७० पैसा घटेर आए पनि निगमले यथावत राखेको छ।

यता निगमले आन्तरिकतर्फको हवाई इन्धनको मूल्य भने घटाएको छ। आन्तरिकतर्फको हवाइ इन्धनको मूल्य ४ रुपैयाँले घटेको छ।